Futbol üzrə Azərbaycan milli komandasının məşqçisi Fernandu Santuş keçmiş futbolçu, “Portu”nun və Portuqaliya millisinin sabiq müdafiəçisi Jorje Koştanın vəfatı ilə bağlı başsağlığı verib.

Prosport.Az xəbər verir ki, 70 yaşlı mütəxəssis bununla bağlı Portuqaliyanın Lusa agentliyinə açıqlamasında deyib:

"Bu, şok və böyük itkidir. Bakıya qayıtdım, xəbərlərə baxdım və bu hadisədən şoka düşdüm. Ailəsinə və Portuya başsağlığı verirəm. Əslində, o, mənim dostum idi. Mən üç il komandanı çalışdırdığım zaman Jorje "Porto"nun kapitanı idi. Aramızda əla münasibət var idi. O, həm meydanda, həm də meydandan kənarda kapitan idi. Əslində, o, "Portu"nun tarixinə damğasını vuran oyunçudur. Portuqaliya futbolu tarixində 1991-ci ildə Lissabonda keçirilən 20 yaşadək futbolçular arasında dünya çempionatının qalibi olan nəsilin nümayəndəsidir".

"Portu"nun keçmiş kapitanı və AVRO-2000-nin bürünc mükafatçısı Jorje Koşta avqustun 5-də 53 yaşında ürək tutmasından vəfat edib. O, karyerasının böyük hissəsini “Portu”da keçirib, həmçinin Portuqaliya millisində çıxış edib, 50 oyuna 2 qol vurub.