“Araz-Naxçıvan” UEFA Konfrans Liqasının III təsnifat mərhələsinin ilk oyununda Bakıda “Omoniya”ya 0:4 hesabı ilə uduzub.

Prosporr.Az xəbər verir ki, oyundan sonra keçirilən mətbuat konfransında qonaq komandanın baş məşqçisi Henninq Berq jurnalistlərin suallarını cavblandırıb:

"Xoşbəxtik. Sevinirik ki, 4 qol vurduq və top buraxmadıq. Amma heç nə tamamlanmayıb, evdə oynamalıyıq. İşimizi orada tamamlamalıyıq. Bu oyunda komandamız yaxşı idi. Müdafiə olunanda yaxşı işlədik. Komandanın performansından və nəticədən razı qaldım".

- Bundan əvvəl "Qarabağ"la oyun üçün Bakıya gəlmişdiniz. "Araz-Naxçıvan"la onları necə müqayisə edərdiniz?

- "Qarabağ"la qarşılaşanda səfərdə heç-heçə onamışdıq. Patrik Andrade orada oynayırdı. "Qarabağ" daha təcrübəli idi, "Araz-Naxçıvan" yeni qurulan komandadır. 1-2 oyunla müqayisə aparmaq çətindir. 3-4 il vaxt keçib. "Araz-Naxçıvan" yaxşı oyun nümayiş etdirir. "Aris"ə qarşı çox yaxşı çıxış etdilər, inamlı qələbə qazandılar. Bu gün bizim qələbəmiz asan olmadı. Sadəcə qollarımızı vurduq. Müdafiədə uğurlu çıxış etdik və "Araz-Naxçıvan"ın işini çətinləşdirdik.