“Qarabağ”ın yeni transferi Joni Montiel Azərbaycana gəlməmişdən əvvəl bir neçə klubun təklifindən imtina edib.

Prosport.Az sportal.az-a istinadən xəbər verir ki, ispaniyalı yarımmüdafiəçiyə İsrailin “Beytar” və Kiprin “Aris” (Limassol) klublarından rəsmi təklif gəlib.

Lakin 26 yaşlı vinger Azərbaycan çempionuna görə həm bu klublardan, həm də İspaniya Sequndasından gələn təklifləri geri çevirib.

Montiel avrokuboklardakı stabil çıxışı və oyun üslubuna görə “Qarabağ”da oynamağa üstünlük verib.

Qeyd edək ki, futbolçu ilə 2+2 illik müqavilə imzalanıb. Hücumameylli yarımmüdafiəçi “Qarabağ”da 9 nömrəli forma ilə çıxış edəcək.