21 yaşadək futbolçulardan ibarət Azərbaycan millisinin Avropa çempionatının seçmə mərhələsində Portuqaliya yığması ilə keçirəcəyi ilk tur oyununun başlama vaxtı müəyyənləşib.

Prosport.Az xəbər verir ki, komandamız sentyabrın 5-də Barselosda səfər matçına çıxacaq. Şəhər stadionunda təşkil olunacaq qarşılaşma Bakı vaxtı ilə saat 22:30-da başlayacaq.

Qeyd edək ki, U-21 millimiz Portuqaliya ilə matçdan 4 gün sonra Bolqarıstan seçməsini qəbul edəcək. “Liv Bona Dea Arena”da keçiriləcək bu oyun saat 18:00-da başlayacaq.