Mali millisinin sabiq futbolçusu Hamidu Traore Azərbaycandan təklif alıb.

Prosport.Az Türkiyə mətbuatına istinadən xəbər verir ki, 28 yaşlı yarımmüdafiəçi “Qarabağ”ın maraq dairəsində olub.

Yay fasiləsində Səudiyyə Ərəbistanının “Əl-Arabi” klubundan ayrılan orta sahə oyunçusu Azərbaycan çempionu ilə yanaşı, “Panatinaikos” (Yunanıstan) və Təl-Əviv “Makkabi”sindən (İsrail) də təklif alıb. Lakin futbolçu karyerasını Türkiyədə davam etdirmək qərarına gəlib. O, I Liqaya yeni yüksələn “Sarıyerspor”la müqavilə imzalayıb.

Qeyd edək ki, Hamidu Traore daha əvvəl Türkiyədə “Elazığspor”, “Karabükspor”, “Adana Dəmirspor” və “Giresunspor” kimi klublarda çıxış edib.