“Məqsədimiz Avropa Liqasında irəliləməkdir".

Prosport.Az xəbər verir ki, bu sözləri UEFA Konfrans Liqasının pley-off mərhələsində "Araz-Naxçıvan"ın potensial rəqibi olan Avstriyanın “Volfsberq” klubunun baş məşqçisi Ditmar Kühbauer yerli mətbuata açıqlamasında bildirib.

Mütəxəssis bildirib ki, klub rəhbərliyi komandanın qarşısına Avropa Liqasında mərhələ adlamaq tapşırığı qoyub: "Buna görə də indi bizi nə “Omoniya”, nə də “Araz-Naxçıvan” maraqlandırır. Hədəf PAOK-la oyunlarda uğurlu nəticə qazanmaqdır. Yunanıstan klubu ilə matçların nəticəsindən sonra gələcək rəqib barədə danışmaq olar”.

Qeyd edək ki, "Araz-Naxçıvan" III təsnifat mərhələsində Kipr "Omoniya"sını keçsə, pley-offda "Volfsberq" - PAOK cütünün qalibi ilə qarşılaşacaq.