"Qarabağ"ın UEFA Çempionlar Liqasının pley-off mərhələsindəki potensial rəqibləri bəlli olub

Prosport.Az xəbər verir ki, bu, İsveçrənin Nyon şəhərində təşkil olunan püşkatma mərasimində dəqiqləşib.

Qurban Qurbanovun baş məşqçisi olduğu kollektiv III təsnifat mərhələsində Şimali Makedoniya təmsilçisi "Şkendiya"nı mübarizədən kənarlaşdırsa bilsə, növbəti raundda “Ludoqorets” (Bolqarıstan) – “Ferensvaroş” (Macarıstan) cütünün qalibi ilə üz-üzə gələcək.

Qeyd edək ki, pley-off matçları 19-20 və 26-27 avqustda təşkil olunacaq.

10:14

Bu gün UEFA Çempionlar Liqasında pley-off mərhələsinin püşkü atılacaq.

Prosport.Az xəbər verir ki, tədbir saat 14:00-da başlayacaq. Azərbaycan təmsilçisi “Qarabağ”ın da potensial rəqibi məlum olacaq.

Ağdam təmsilçisinin “Şkendiya” ilə duelinin qalibi “Bude/Qlimt” (Norveç), “Seltik” (Şotlandiya), “Malmö” (İsveç) – “Kopenhagen” (Danimarka), “Lex” (Polşa) – “Srvena Zvezda” (Serbiya) və ya “Ludoqorets” (Bolqarıstan) – “Ferentsvaroş” (Macarıstan) cütünün güclüsünə rəqib olacaq.

“Qarabağ” III təsnifat mərhələsində Şimali Makedoniyanın “Şkendiya” komandası ilə qarşılaşacaq. İlk oyun avqustun 5-də Skopyedə keçiriləcək. Cavab görüşü isə ayın 12-də Bakıda reallaşacaq.