"Qarabağ" yeni transferini açıqlayıb.

Prosport.Az xəbər verir ki, Ağdam təmsilçisi ispaniyalı hücumameyilli mərkəz yarımmüdafiəçi Xoni Montieli heyətinə qatıb.

Əsl adı Xonatan Montiel Kabayero olan 26 yaşlı futbolçu "Qarabağ"ın heyətində 9 nömrəli formanı geyinəcək.

Qeyd edək ki, Xoni Montiel ilk dəfə legioner karyerası yaşayacaq. O, karyerası boyu ancaq İspaniyanın "Rayo Bayekano" klubuna məxsus olub. Montiel, həmçinin "Deportibo Toledo", "Deportibo Fabril" (B komandası), "Deportibo La Korunya", "Real Obyedo", "Lebante", "Real Bayadolid" və "Burqoş" komandalarında icarə əsasında oynayıb. O, İspaniyanın U-17, U-18, U-19 komandalarında da çıxış edib.