Türkiyədə təlim-məşq toplanışında olan "Turan Tovuz" komandası növbəti yoxlama oyununu keçirib.

Prosport.Az xəbər verir ki, Qurban Berdiyevin baş məşqçisi olduğu kollektiv Albaniya təmsilçisi “Flamurtari” ilə üz-üzə gəlib.

Qarşılaşma rəqibin qələbəsi ilə bitib – 1:0.

Qeyd edək ki, "Turan Tovuz" daha əvvəl Türkiyənin "Keçiörengücü" (0:0) və "Çorum" (1:1) klubları ilə heç-heçə edib. Komanda avqustun 5-də isə Mərakeş təmsilçisi “Vidad”la qarşılaşacaq.

Qəbələdə isə Premyer Liqaya vəsiqə qazanmış 2 komanda üz-üzə gəlib. "Qəbələ" 1:2 uduzduğu debütant "İmişli"ni sonda 3:2 məğlub edib. Meydan sahiblərindən qolları konqolu Domi Massumu və qanalı Prins Ovusu (2) vurub.