Azərbaycanlı futbolçu Orxan Əliyev yeni klubu “Ozqon”da 2-ci oyununa çıxıb.

Prosport.Az xəbər verir ki, onun komandası Qırğızıstan çempionatının XV turunda “Talant”la qarşılaşıb. Matç “Ozqon”un 2:0 hesablı qələbəsiylə başa çatıb.

Orxan bu görüşdə iştirak edib. 29 yaşlı hücumçu start heyətində meydana çıxıb və sonadək oynayıb. O, komandasının ilk qolunu da vurub.

Qeyd edək ki, iyul ayında "Ozqon"a keçən Orxan ötən tur komandada rəsmi debüt edib və qol vurub.