"İmişli" braziliyalı futbolçu transfer edib.

Prosport.Az xəbər verir ki, bölgə təmsilçisi dayaq yarımmüdafiəçisi olan Luiz Fernando Silvestre Junior ilə 2 illik müqavilə imzalayıb.

Juninyo adı ilə tanınan futbolçunun 22 yaşı var. O, ilk dəfə legioner karyerasına Azərbaycanda – "İmişli"də başlayacaq. "Atleriko Paranaense"nin U-20 komandasının üzvü olmuş Juninyo "Mirasol", "Sianorte" və "Aparesidense" klublarında icarə əsasında çıxış edib.

Qeyd edək ki, "İmişli"də ötən mövsümdən braziliyalı Dioqo Vaskes oynayırdı. Daha sonra klub onun həmyerlilərindən Ronaldo Rodriqes və Rafael Vieqası heyətinə qatmışdı.