Moldova çempionatında VI turun oyunları keçirilib.

Prosport.Az UEFA Konfrans Liqasının II təsnifat mərhələsində “Sabah”ın rəqibi olan “Petrokub” “Daçia-2”ni qəbul edib.

Oyun meydan sahiblərinin 2:1 hesablı qələbəsi ilə yekunlaşıb. Hesabı 31-ci dəqiqədə “Petrokub”dan Petru Popesku açıb. 43-cü dəqiqədə penaltidən hesab bərabərləşib. 90+1-ci dəqiqədə isə Popesku dubl etməklə komandasının qələbə qolunu vurub.

5 oyundan 11 xalı olan “Petrokub” lider “Şerif”dən (6 oyun) 2 xal geri qalmaqla 3-cü yeri tutur.

Xatırladaq ki, “Sabah” Kişineuda keçirilmiş ilk matçda 2:0 hesabı ilə qələbə qazanıb. Bu komandaların cavab qarşılaşması iyulun 31-i Bakıda keçiriləcək.