"Boşluqlarımız çoxdur. Yoxlama oyunlarında biz bunu daha çox görüb çempionata yaxşı hazırlaşmalıyıq".

Prosport.Az xəbər verir ki, "Kəpəz"in baş məşqçisi Adil Şükürov "Şamaxı" ilə yoxlama oyunundan sonra deyib.

Təcrübəli mütəxəssis Qəbələdə 1:6 hesablı məğlubiyyəti şərh edib: "Görəcəyimiz işlər var. Bu barədə də rəhbərliyə bildirmişik. Birlikdə daha çox çalışmalıyıq ki, bu məsələləri uğurla sonlandıra bilək. Gənc oyunçuların da üzərində böyük məsuliyyət var. Çox çalışmalıdırlar. Məşqlərdə, oyunlarda onlara daha çox şans veririk ki, inkişaf etsinlər, irəliləsinlər. Rəhbərliyin də ilk planlarından biri odur ki, bu gəncləri Azərbaycan futboluna qazandıraq".

Qeyd edək ki, "Kəpəz" mövsümlərarası fasilədə keçirdiyi hər iki yoxlama oyununda uduzub. Gəncə təmsilçisi ilk görüşdə "Qəbələ"yə məğlub olmuşdu – 0:2.