Türkiyə təlim-məşq toplanışında "Turan Tovuz"un Cənubi Azərbaycan komandası “Traktor”la nəzərdə tutulan yoxlama oyunu ləğv olunub.

Prosport.Az xəbər verir ki, Tovuz klubu səbəb kimi komandaların hazırlıq planındakı dəyişiklik və özündən asılı olmayan səbəbləri göstərib.

Qarşılaşma iyulun 29-na nəzərdə tutulmuşdu.

Bizdə olan məlumata görə, "Traktor" təmsil etdiyi İrana görə görüşün sadə bir hazırlıq matçı çərçivəsində keçirilməli olduğunu istəyib. Tovuz təmsilçisi isə matçı daha çox eyni millətin 2 komandası kimi təqdim etməyə çalışıb. Üstəlik, komandanın adında "Turan" sözünün olması "Traktor" tərəfini bu matçdan imtina etməyə çağırıb.

Qeyd edək ki, "Traktor" ötən mövsüm tarixində ilk dəfə İran çempionu olub.