Azərbaycan Taekvondo Federasiyasının baş katibi Rüstəm Bağırlı vəzifəsindən ayrılıb.

Prosport.Az qafqazinfo.az-a istinadən xəbər verir ki, o, öz istəyi ilə istefa verib. Federasiyadan məlumat təsdiq edilib.

Baş katiblə yanaşı, komandanın həkimi Ruslan Şərifov da komandadan gedib. O da öz xahişi ilə işindən ayrılıb.

Onların ayrılıq səbəbi açıqlanmasa da, hər ikisinin maddi məsələlərə görə federasiyadan getdiyi bildirilir. Federasiya isə bu məlumatı təkzib edib.

Qeyd edək ki, Rüstəm Bağırlı 2 il öncə Azərbaycan Taekvondo Federasiyasının baş katibi təyin edilmişdi.