Azərbaycanın taekvondo üzrə yeniyetmələrdən ibarət yığma komandasına baş məşqçi təyinatı olub.

Prosport.Az xəbər verir ki, Səbuhi Zülfüqarov millidə baş məşqçi vəzifəsini yerinə yetirəcək.

Onun köməkçisi ötən il təyin olunmuş böyük məşqçi Cəlil Abdullayev olacaq. Səbuhi Zülfüqarov bu postda gənclərdən ibarət milliyə təyin olunmuş Rəşad Məmmədovu əvəzləyib.

Qeyd edək ki, daha əvvəl Elnur Amanov U-21-in baş məşqçisi, Zahid Məmmədov isə böyük məşqçi təyin edilib. Elnur Amanov həm də Məmməd Abdullayevin baş məşqçisi olduğu böyüklərdən ibarət millidə böyük məşqçi funksiyasını qoruyub saxlayacaq.

Xatırladaq ki, ötən ilin noyabrında isə Fəridə Əzizova və Ayxan Tağızadə gənclərdən ibarət milliyə məşqçi təyin olunub.