Fransanın PSJ klubu İtaliyanın “Parma” komandasının qapıçısı Jion Suzukini transfer etməyə yaxındır.

Prosport.Az xəbər verir ki, bu barədə tanınmış insayder Nikolo Skira məlumat yayıb.

Məlumata görə, Paris təmsilçisi 23 yaşlı yaponiyalı qolkiper üçün “Parma”ya 36 milyon avro ödəməyə hazırdır. Tərəflər futbolçu ilə 2031-ci ilin yayına qədər müqavilə imzalanması barədə danışıqlar aparırlar.

Suzuki 2024-cü ilin yayında Belçikanın “Sint-Truiden” klubundan 7,5 milyon avro qarşılığında “Parma”ya transfer olunub.

Yaponiya millisinin üzvü ötən mövsüm İtaliya klubunun heyətində 22 oyunda meydana çıxıb. Bu görüşlərdə qapısından 30 top buraxan qolkiper 6 matçda qapısını toxunulmaz saxlayıb.