Azərbaycan Bodibildinq və Fitnes Federasiyasının növbədənkənar Ümumi Yığıncağı keçirilib.

Prosport.Az xəbər verir ki, Gənclər və İdman Nazirliyinin inzibati binasında keçirilən tədbir Dövlət Himnimizin səsləndirilməsi ilə başlanıb. Gənclər və idman nazirinin müavini Mariana Vasileva konfrans iştirakçılarını salamlayaraq onlara uğurlar arzulayıb.

Yığıncağın gündəliyi təsdiqləndikdən sonra federasiyanın İdarə Heyətinə seçkilər keçirilib. Raif Süleymanov (pauerliftinq), Bəxtiyar Quliyev (stronqmen) və Azər Məhərrəmov (qol güləşi) İdarə Heyətinə üzv seçilib.

Sonda federasiyanın prezidenti Rauf Bunyatəliyev çıxış edərək gələcək təşkilatın fəaliyyət planları barədə məlumat verib və yeni seçilən İdarə Heyəti üzvlərinə uğurlar arzulayıb.

Əldə etdiyimiz məlumata görə, ATEF Şirkətlər Qrupunun Müşahidə Şurasının sədri Talıb Əlixanbəyovun oğlu, 2020-ci ildə deputatlığa namizədlərdən olmuş, sözügedən federasiyanın vitse-prezidenti Azər Əlixanbəyov İdarə Heyətindən azad edilib.

Qeyd edək ki, bu gün hər 3 şəxsin Bodibildinq və Fitnes Federasiyasının İdarə Heyətinə üzv seçiləcəyini Prosport.Az xəbər vermişdi.