Voleybol üzrə Azərbaycan çempionatlarında 2023/24 mövsümünün püşkü atılıb.

Prosport.Az xəbər verir ki, Voleybol Mərkəzində təşkil olunan tədbirdə Azərbaycan Voleybol Federasiyasının prezidenti Şahin Bağırov, vitse-prezidentlər Faiq Qarayev və Bəhruz Quliyev iştirak edib.

Püşkatma və çempionat oyunlarının keçirilmə qaydaları barədə məlumat verilib. Məlum olub ki, həm qadınlarda, həm də kişilərdə 6 komanda mübarizə aparacaq. "Azərreyl" və "Murov Az Terminal" klublarının hər 2 "cəbhə"də komandası yarışacaq. Qadınlarda yarışan, federasiyanın İdarə Heyətinin üzvü Zaur Axundovun kurasiyasında olan debütant "Buta" komandası isə adını dəyişərək "Milli Aviasiya Akademiyası" adı altında çıxış etməyə qərar verib. Xatırladaq ki, daha əvvəl yeni sponsorun gəlişi ilə "Murov"un adı dəyişdirilmişdi.

Daha sonra isə püşk atılıb:

I tur

Qadınlar
"Milli Aviasiya Akademiyası" – "Gəncə"
"Azərreyl" – UNEC
"Murov Az Terminal" – "Abşeron"

Kişilər
"Azərreyl" – "Xarı Bülbül" (Laçın)
MOİK – "Xarı Bülbül" (Şuşa)
"Neftçi" İK – "Murov Az Terminal"