"Rəqib bizdən daha yaxşı oynadı".

Prosport.Az xəbər verir ki, bunu futzal üzrə Azərbaycan millisinin baş məşqçisi Vitali Borisov Qazaxıstana 2:3 hesabı ilə uduzduqları DÇ-2024-ün elit mərhələ matçı barədə danışarkən deyib.

Mütəxəssis qarşılaşmanın kifayət qədər gərgin alındığını söyləyib: "Hesabda 2 top fərqi ilə önə keçsək də, üstünlüyümüzü qoruya bilmədik. Rəqibin qol epizodları çox oldu. Qazaxıstan millisini təbrik edirəm. Uşaqlar sona qədər mübarizə apardılar, əllərindən gələni etdilər. 5-in 4-ə oynayan zaman şanslarımız oldu, amma fərqlənə bilmədik.

Vitali Borisov növbəti görüşü düşünməli olduqlarını vurğulayıb: "Bakıda Rumıniya ilə qarşılaşacağıq. Bu matçda qələbə qazanmalıyıq ki, mübarizəni davam etdirmək imkanımız olsun. Düzdür, heyətimizdə itkilər olacaq. Bu gün sarı vərəqə alan Eduardu cəzalı duruma düşdü. Əvəzində analoji səbəbdən Astanadakı oyunu buraxan Felipinyu komandaya qoşulacaq”.