Paralimpiya üzrə güllə atıcısı Kamran Zeynalov Perunun paytaxtı Limada keçirilən dünya çempionatının qızıl medalını qazanıb. 

Prosport.Az xəbər verir ki, Kamran Zeynalov 50 metr məsafəyə atəşdə 220.5 xal toplayaraq fəxri kürsünün ən yüksək pilləsinə qalxıb. 

İdmançımız bu nəticəni əldə etməklə "Paris-2024" XVII Yay Paralimpiya Oyunlarına birbaşa lisenziya qazanıb.

Qeyd edək ki, dünən Kamran Zeynalov və Aybəniz Babayeva gümüş mükafata yiyələnib. Onlar 10 metr məsafəyə atəşdə bu uğura nail olub.