"Daha əvvəl burada işləmişəm və ölkə mənə yaxındır".

Prosport.Az xəbər verir ki, bunu futzal üzrə Niderland millisinin baş məşqçisi Miqel Andres Bakıda Azərbaycan yığmasına qarşı keçirdikləri DÇ-2024-ün elit mərhələsinin matçından (1:6) sonra mətbuat konfransında deyib.

2016-cı ildə Azərbaycan yığmasında çalışmış mütəxəssis rəqibi qələbə münasibəti ilə təbrik edib: "Daha yaxşı oyun sərgiləyə bilərdik. Amma futzalçılarımızdan narazı deyiləm. Bəzi məsələləri təhlil edib aydınlaşdıracağıq".

Miqel Andres yenidən Azərbaycanda işləmək ehtimalı haqqında da danışıb: "Ölkənizdə fəaliyyət göstərdiyim müddətdə məmnun olmuşam. Bura həmişə mənə doğma olaraq qalacaq. Lakin hələlik Niderland millisindəki işimi davam etdirəcəyəm".