“Araz-Naxçıvan” futzal klubu bu gün UEFA Çempionlar Liqasının ilkin mərhələsində son oyununu keçirəcək.

Prosport.Az xəbər verir ki, A qrupunda yer alan Azərbaycan çempionu Latviyada yerli “Riqa” ilə qarşılaşacaq.

Hər 2 komanda qrupun ilk 2 matçında qələbə qazandığından, bu, həlledici görüş olacaq. Qrup 1-cilərinin Əsas mərhələyə vəsiqə qazandığını nəzərə alsaq, “Araz-Naxçıvan” mütləq qələbə qazanmalıdır. Çünki “Riqa”nın top fərqi daha yaxşıdır.

İlk 2 qarşılaşmanı cəza səbəbindən buraxan Felipinyu bu matçda baş məşqçi Vitali Borisovun sərəncamında olacaq.

UEFA Çempionlar Liqası
İlkin seçmə mərhələ
A qrupu, III tur
26 avqust
18:00 “Riqa” (Latviya) - “Araz-Naxçıvan” (Azərbaycan)
Hakimlər: Arttu Kinaerenen (Finlandiya), Martina Pitsolo (İtaliya), Yorqos Kozakos (Kipr)
Hakim-inspektor: Vyaçeslav Daraqan (Ukrayna)
UEFA nümayəndəsi: Massimo Nanni (San Marino)
Salaspils İdman Arenası