“Maraqlı qarşılaşma izlədik. Bu gün dünənki oyunla müqayisədə komandam daha yaxşı çıxış etdi. Onu da nəzərə alaq ki, Almaniya çempionu Türkiyə çempionu ilə müqayisədə daha güclüdür".

Prosport.Az xəbər verir ki, bunu futzal üzrə ölkə çempionu "Araz-Naxçıvan"ın baş məşqçisi Vitali Borisov deyib.

UEFA Çempionlar Liqasının ilkin mərhələsində bu gün növbəti oyununu keçirən “Araz-Naxçıvan” Almaniya çempionu “Yan”la qarşılaşıb. 5:0 hesabı ilə qələbə qazanan təmsilçimizin baş məşqçisi görüşlə bağlı azfutzal.az-a açıqlama verib:

"Nəticəyə görə komandamı təbrik edirəm. Əlbəttə, bugünkü matçı da analiz edəcəyik, düzəldilməli olan məqamları futzalçılara çatdıracağıq. “Yan”la matçı ayrıca dəyərləndirsək, fasilədən sonra nümayiş etdirdiyimiz oyun daha yaxşı idi. Artıq son oyunu düşünməliyik. Çünki vəsiqənin taleyi 2 gün sonra keçirəcəyimiz oyunda həllini tapacaq”.