Braziliyada qadınlar arasında keçirilən futzal oyununda ciddi insident baş verib.

Prosport.Az xəbər verir ki, hadisə Eusebio bələdiyyəsinin çempionatı çərçivəsində keçirilən "RDJ Sport" – "As Resenhas" qarşılaşması zamanı yaşanıb.

Məlumata görə, oyunun ikinci hissəsində hesab "RDJ Sport"un xeyrinə 1:0 olarkən "As Resenhas" komandasının futzalçılarından biri rəqibini yerə yıxdıqdan sonra onun baş nahiyəsinə iki dəfə təpik vurub.

Bundan sonra "RDJ Sport"un digər oyunçusu komanda yoldaşını müdafiə etməyə çalışsa da, o da rəqibin hücumuna məruz qalıb və üz nahiyəsindən yumruq zərbələri alıb.

Hakimlər insidentdən sonra oyunu müvəqqəti dayandırsalar da, qarşılaşma daha sonra bərpa olunaraq başa çatdırılıb.

Eusebio bələdiyyəsi hadisə ilə bağlı yaydığı açıqlamada baş verənlərdən təəssüfləndiyini bildirib. Aqressiv davranış nümayiş etdirən futzalçının növbəti beş il ərzində bütün idman yarışlarından kənarlaşdırıldığı açıqlanıb.