Futzal üzrə Azərbaycan millisinin DÇ-2024-ün elit raundunda səfərdə Rumıniyaya qarşı keçirəcəyi oyunun təyinatları müəyyənləşib.

Prosport.Az xəbər verir ki, qarşılaşma Sloveniyadan olan hakimlər briqadasına tapşırılıb.

Görüşdə Admir Zaxoviç, Aleş Motsnik Periç və Deyan Veseliç iş başında olacaq. İtaliyalı Ancelo Qalante hakim-inspektor, serbiyalı Zoran Dimiç UEFA nümayəndəsi kimi təyinat alıb.

Qeyd edək ki, sentyabrın 15-də Romeo Lamandidə oynanılacaq matç Bakı vaxtı ilə saat 19:30-da start götürəcək.