Mərakeşin paytaxtı Rabat şəhərində keçirilən Karate1 Premyer Liqasında Azərbaycan karateçisi İrina Zaretska uğurlu çıxışı ilə yadda qalıb.

Prosport.Az xəbər verit ki, milli komandanın üzvü qadınların 68 kq çəki dərəcəsində bütün rəqiblərini geridə qoyaraq qızıl medala sahib çıxıb. Zaretska final qarşılaşmasını da qələbə ilə başa vuraraq fəxri kürsünün ən yüksək pilləsinə yüksəlib.

Azərbaycan yığması nüfuzlu beynəlxalq turnirdə millinin böyük məşqçisi Rəşad Hüseynovun rəhbərliyi altında mübarizə aparır.

Qeyd edək ki, bu İrina Zaretskanın Premyer Liqada qazandığı 14-cü qızıl medaldır.