Dünən Polşada keçirilən III Avropa Oyunlarında ilk medal görüşləri keçirildi.

Prosport.Az xəbər verir ki, hər zaman olduğu kimi, karate Azərbaycana ilk medalı qazandırdı.

Bəs Tural Ağalarzadənin qazandığı qızıl medal Azərbaycanı medal sıralamasında neçənci etdi? Həmin qızıl medal sayəsində 10-cu sıraya qalxdı. Çexiya da 1 qızıl medalla Azərbaycana şərikdir.

İlk sırada Ukraynadır. Polşaya qonşu olan ölkə 4 qızıl və 2 bürünc medal qazanıb. İspaniya (3-5-1) və meydan sahibi Polşa (3-1-2) müvafiq olaraq 2-3-cü sıradadır. Ən çox medalı isə İspaniya və İtaliya qazanıb. Onlar hərəyə 9 medal qazanıb. İtaliya əyar baxımından 4-cüdür.

Ümumiyyətlə, 22 ölkə indiyədək medal qazanıb.