Azərbaycan karateçisi Tural Ağalarzadə Polşada keçirilən III Avropa Oyunlarında qızıl medal qazanıb.

Prosport.Az xəbər verir ki, 67 kq çəki dərəcəsində çıxış edən idmançı finalda yunanıstanlı Dionisios Ksenosdan üstün olub.

Hakimlər rəqibə hansoku (diskvalifikasiya cəzası), Ağalarzadəyə isə qələbə veriblər.

Qeyd edək ki, bu, Azərbaycan idmançılarının III Avropa Oyunlarında əldə etdiyi ilk medaldır. Bakıdakı I Avropa Oyunlarında da Azərbaycan ilk medalını məhz karate idman növündə qazanmışdı.