Azərbaycanda Velosiped Federasiyası tərəfindən saxtalaşdırılmış yarış Beynəlxalq Velosipedçilər İttifaqı (UCI) tərəfindən tanınmayıb.

Prosport.Az-ın xəbərinə görə, iyunda Tovuzda keçirilmiş şose velosipedi üzrə Azərbaycan çempionatının nəticələri araşdırılıb.

UCI qərara gəlib ki, həqiqətən də çempionatda Elit/U-23 kateqoriyası üzrə iştirak etməyən idmançıların adları federasiya tərəfindən onlara təqdim olunub. Çünki nazirliyə təqdim olunan protokolda 4 idmançının adı olsa da, federasiya UCI-yə 14 idmançının yarışdığını göstərib.

Artıq UCI-nin saytında Elit/U-23 kateqoriyasının nəticələri görünmür (https://www.uci.org/competition-details/2024/ROA/72776). Həmçinin, Azərbaycan Velosiped Federasiyasına bu yarışa görə verilən reytinq xalları da silinib.

Qeyd edək ki, yarışın baş hakimi federasiyanın baş katibi Elnarə Musayeva olub. Bu saxtakarlıq faktının üstünü ilk dəfə iyunda Prosport.Az saytı açmışdı (həmin link – https://prosport.az/az/news/id-8667).