İngiltərənin “Aston Villa” klubu İspaniyanın “Atletiko” komandasının müdafiəçisi Matteo Rucerini heyətinə qatmaq niyyətindədir.

Prosport.Az xəbər verir ki, “The Athletic”in məlumatına görə, tərəflər 24 yaşlı italyan futbolçunun transferi ilə bağlı təxminən 20 milyon avro məbləğində ilkin razılığa gəliblər.

Hazırda Ruceri “Aston Villa” ilə şəxsi müqaviləsinin şərtlərini müzakirə edir. Keçid hələ rəsmiləşməsə də, futbolçunun İngiltərə klubu ilə danışıqları davam etdirdiyi üçün “Atletiko”nun Cənubi Koreyada keçirdiyi mövsümlərarası təlim-məşq toplanışına qatılmadığı bildirilir.

Ruceri 2025-ci ilin iyulundan Madrid klubunda çıxış edir. Onun “Atletiko” ilə müqaviləsi 2030-cu ilin yayına qədər qüvvədədir.

İtalyan müdafiəçi 2025/2026 mövsümündə “Atletiko”nun heyətində 47 oyuna çıxıb və 7 məhsuldar ötürmə verib.

Qeyd edək ki, “Transfermarkt” portalı Rucerinin bazar dəyərini 28 milyon avro qiymətləndirir.