Azərbaycanın gənc cüdoçuları Estoniyanın paytaxtı Tallində keçirilən Avropa çempionatının daha 2 qızıl medal qazanıb.

Prosport.Az xəbər verir ki, yarışın 2-ci günündə Vüsal Qələndərzadə (73 kq) və Süleyman Şükürov (81 kq) fəxri kürsüyə qalxıb.

Vüsal Qələndərzadə finalda bolqarıstanlı Dimitar Qospodinovu, Süleyman Şükürov isə gürcüstanlı Aleksandre Loladzeni üstələyib.

Qeyd edək ki, ötən gün Könül Əliyeva (48 kq) və Fidan Əlizadə (57 kq) turnirdə qızıl medal əldə edib. Nizami İmranov (60 kq) gümüş mükafatla kifayətlənib. Yarış sentyabrın 8-də başa çatacaq.