"Bakcell" şirkəti cüdo üzrə paralimpiya mükafatçısı və Avropa çempionumuz Kərim Sərdarovu məhkəməyə verib.

Prosport.Az-ın xəbərinə görə, ölkənin aparıcı mobil operatorlarından olan şirkət 50 yaşlı sabiq idmançını müqavilə öhdəliklərini yerinə yetirməmədə ittiham edir.

İcraata Sumqayıt Kommersiya Məhkəməsində hakim Həlimə Alıyevanın sədrliyi ilə baxılacaq.

Qeyd edək ki, Kərim Sərdarov 2008 və 2012-ci il Paralimpiya Oyunlarında ölkəmizi təmsil edib. O, 2008-ci ildə Çinin paytaxtı Pekində keçirilmiş Paralimpiya Oyunlarında gümüş medalçı olub. Həmçinin, 2009-cu ildə Avropa çempionu adına yiyələnib və 2005, 2011-ci ildə qitə çempionatının bürünc medalını qazanıb. Ölkə başçısı İlham Əliyevin 16 fevral 2011-ci il tarixli Sərəncamına əsasən "Tərəqqi" medalı ilə təltif olunub. 2019-cu ildə isə ölkə başçısı tərəfindən ona mənzil bağışlanıb.