Perunun paytaxtı Limada keçirilən yeniyetmələr arasında dünya çempionatında Azərbaycan daha bir qızıl medal qazanıb.

Prosport.Az xəbər verir ki, 2 ay əvvəl Bolqarıstanın paytaxtı Sofiyada Avropa 3-cüsü olmuş Cəsur İbadlı (73 kq) finalda rusiyalı Timur Davidova 2 vaza-ari xalı ilə qalib gələrək qızıl medala sahib olub.

Mehdi Abbasov (81 kq) isə 1/8 finalda Əli Qazıməmmədova qalib gəlmiş Kenzo Kremersi (Belçika) ippona salaraq bürünc medal qazanıb.

Bu gün Sübhan Axundov (+90 kq) tatamiyə çıxacaq.

Qeyd edək ki, 49 ölkədən 405 idmançının qatıldığı dünya çempionatında daha əvvəl Nihad Məmişov (55 kq) qızıl və Məhəmmədəli Hüsiyev (50 kq) bürünc medal qazanmışdı.