3x3 basketbolu üzrə Dünya Qadın Seriyasının Şuşa mərhələsinin qalibi olan Aleksandra Molenhauerin Prosport.Az-a müsahibəsi

– Təbrik edirik, qalib oldunuz. Təəssüratlarınızı bölüşməyinizi istərdik.
– Komandamızla fəxr edirəm. Düşünürəm ki, finalda Niderland millisinə qarşı ən yaxşı oyunumuzu göstərdik. Bunda hər bir oyunçumuzun əziyyəti var.

– Astara mərhələsində 1/4 finalda mübarizəni dayandırmışdınız. Bu dəfə çempion oldunuz. Turnirə başlayanda bu qədər millini qabaqlayıb çempion ola biləcəyinizi gözləyirdiniz?
– Məqsədimiz çempion olmaq idi. Amma hər oyuna ayrıca və ciddi hazırlaşmışdıq. Heç bir qələbə asan başa gəlmədi. Güclü rəqiblərə qarşı mübarizə apardıq. Niderland əla komandadır, güclü oyunçuları var. Buraya qələbə dalınca gəlmişdik. İstəyimizə nail olduq.

– Növbəti planlar necədir?
– Məşqlərə davam etməliyik. Amma daha çox işləməliyik. Qarşıda bizi yeni yarışlar gözləyir.

Səbuhi Musa