Kamandan oxatma üzrə Azərbaycan birinciliyi və çempionatının açılış mərasimi baş tutub.

Prosport.Az xəbər verir ki, Avropa Oyunları Parkında təşkil olunan yarışın açılış mərasimində çıxış edən Kamandan Oxatma Federasiyasının prezidenti Anar Quliyev son illər bu idman növünün inkişaf etdiyini bildirib:

"Bu, qədim idman növünü yaşadan hər kəsə öz təşəkkürümü bildirirəm. Son illər Azərbaycanda kamandan oxatma idman növünə maraq artmaqdadır. Paris Yay Olimpiya Oyunlarında ölkəmizi təmsil edən Yaylagül Ramazanovanın çıxışını xüsusi vurğulamaq istəyərdim. İnanıram ki, onun açdığı cığırla digər idmançılarımız da gedəcək".