Azərbaycanı futzal üzrə UEFA Çempionlar Liqasında təmsil edən "Araz-Naxçıvan" bu gün turnirin ilkin mərhələsində sonuncu matçını keçirəcək.

Prosport.Az xəbər verir ki, B qrupunda yer alan komanda İsveçin “Uddevalla” klubu ilə qarşılaşacaq.

Görüş Bakı vaxtı ilə saat 16:00-da başlayacaq.

Qeyd edək ki, Vitali Borisovun baş məşqçisi olduğu klub ilk qarşılaşmada Şimali İrlandiya təmsilçisi “Sparta Belfast”a 7:1, ikinci matçda isə Estoniya çempionu “Sillamae Silla”ya 7:0 hesabı ilə qalib gəlib.