Şuşada keçiriləcək 3x3 basketbolu üzrə Dünya Qadın Seriyasının Şuşa mərhələsinə yeni heyətlə qatılan Almaniya yığması bu il mövsümün ilk titulu uğrunda mübarizə aparacaq.

Prosport.Az xəbər verir ki,bu barədə FIBA-nın saytında yazı dərc olunub. Həmin yazını təqdim edirik:

"Bu gün və sabah baş tutacaq yarışda ilin ilk çempionluq titulu uğrunda mübarizə aparan Almaniya millisi yeni istedadlarını üzə çıxarmağa çalışacaq. Dünya 3-cüsü Almaniya A qrupunda yarışacaq. Onlar Şuşaya 22-23 yaş arası gənc bir komanda ilə gəliblər. Almaniya 30 may – 4 iyun tarixlərində keçirimiş Dünya Kubokunun 1/4 finalına kimi gəliblər. Lakin həmin heyətdən Şuşada yalnız Mari Rayxert iştirak edəcək. Boyu 1,88 m olan 22 yaşlı Mari Almaniyanın qələbəsi üçün əlindən gələni edəcək.

Avropanın nəhənglərindən olan Niderland da B qrupunda qalib gəlmək üçün mübarizə aparacaq. Narıncı rəngli qadın oyunçular Niderlandın qrup mərhələsindən çıxa bilmədiyi Dünya Kubokundan sonra Şuşada güclərini sınayacaqlar. Mərhələnin reytinqə görə 2-ci komandası 2023-cü il Dünya Qadın Seriyası debütündə superulduz Natali van den Adellə birlikdə təkmilləşdirilmiş performans nümayiş etdirəcəklər.

Macarıstan və Rumıniya Vyanadakı cəmi bir qələbəsindən sonra dəyişiklik üçün komandalarının tərkibini yeniləyiblər. Macarıstanlı Orsolya Tot öz istedadını nümayiş etdirməsi üçün bu ona əla turnir ola bilər. 24 yaşlı Ekaterina Armanunun iştirakı isə Rumıniyanın növbəti uğuru hesab olunur.

Azərbaycan millisi və “Neftçi” (Azərbaycan) komandası doğma azarkeşlərin dəstəyi ilə yüksək zirvəyə qalxacaqlarına ümid edir. Yaponiya komandası "G FLOW.EXE" ölkəsində yerli rəqabətdə güclü formada olan Şinobu Yoşitakenin istedadına güvənir. Türkiyənin ümidi isə səbət ətrafındakı qaçışlarında qarşısıalınmaz olan İlknur Yıldızhan Çətinədir.