Bu gün FIBA-nın təşkil etdiyi Dünya Qadın Seriyasının 3x3 basketbolu üzrə Şuşa mərhələ yarışı keçiriləcək.

Prosport.Az-ın Şuşaya ezam olunmuş əməkdaşının verdiyi xəbərə görə, bu gün saat 13:00-da yarışa start veriləcək.

Turnirdə 8 komanda 2 qrupda mübarizə aparacaq. A qrupunda Almaniya, Rumıniya, Türkiyə yığmaları və "Neftçi" klubu, B qrupunda Niderland, Macarıstan, Azərbaycan milliləri və Yaponiyanın "G FLOW.EXE" klubu yer alıb.

Reqlamentə əsasən, ilk yeri tutanlar birbaşa yarımfinala yüksələcək. 2-ci və 3-cü sıranın sahibləri isə bir-biriləri ilə çarpaz şəkildə 1/4 final mərhələsində üz-üzə gələcək.

"Şuşa" mərhələsinin açılış oyunu iyunun 12-də saat 13:00-da Almaniya və Türkiyə seçmələri arasında baş tutacaq. Azərbaycan kollektivi qrupdakı ilk oyununu saat 14:15-də Macarıstan millisinə, "Neftçi" isə saat 13:50-də Rumıniya yığmasına qarşı keçirəcək.

Oyun cədvəli

A qrupu
13:00 Almaniya – Türkiyə
13:50 Rumıniya – "Neftçi"
14:50 Türkiyə – "Neftçi"
15:40 Almaniya – Rumıniya
16:40 Rumıniya – Türkiyə
17:30 "Neftçi" – Almaniya

B qrupu
13:25 Niderland – "G FLOW.EXE"
14:15 Macarıstan – Azərbaycan
15:15 "G FLOW.EXE" – Azərbaycan
16:05 Niderland – Macarıstan
17:05 Macarıstan – "G FLOW.EXE"
17:55 Azərbaycan – Niderland