1 iyun tarixindən etibarən 3x3 basketbol üzrə milli komandamız Serbiyanın Novi Sad şəhərində təlim-məşq toplanışına start verib.

Prosport.Az xəbər verir ki, millimiz zədə səbəbindən məşqlərə yenicə qatılmış kapitan Amil Həmzəyevin heyətə qoşulması ilə məşqlərini mütəmadi şəkildə davam etdirir. Yığmamız hazırlıq prosesini 15 iyun tarixində yekunlaşdıracaq.

Bu təlim-məşq toplanışında əsas məqsəd 17 və 18 iyunda Kiprin Limasol şəhərində baş tutacaq Avropa Kubokunun seçmə mərhələ oyunlarına hazırlaşmaqdır. Onu da qeyd edək ki, yığmamız Avropa Kubokunun seçmə mərhələsində A qrupunda yerli Kipr, Lüksemburq və Malta milliləri ilə mübarizə aparacaq.