21 iyun – 2 iyul tarixlərində Polşada keçiriləcək III Avropa Oyunlarında iştirak edəcək qlıncoynatma üzrə milli komandamızın heyəti açıqlanıb.

Prosport.Az-ın xəbərinə görə, 11 qılıncoynadanımız bu yarışda iştirak edəcək. 

Sablya qadınlar: Anna Başta, Valeriya Bolşakova, Səbinə Kərimova, Polina Kaspiaroviç

Sablya kişilər: Saleh Məmmədov, Ayxan Xasıyev, Murad Əkbərov, Maqsud Hüseynli

Şpaqa kişilər: Kənan Əliyev, Barat Quliyev, Ruslan Həsənov.

39 ölkədən 467 qılıncoynadanın qatılacağı turnirdə iştirakçılar şəxsi və komanda yarışlarında mübarizə aparacaqlar. Qılıncoynatma üzrə yarışlar 25-30 iyunda keçiriləcək. Ancaq 31 mayda verilən qərara əsasən bu yarışın yalnız komanda növləri üzrə nəticələr Paris Olimpiadasına lisenziya xalları qazandıracaq.

Fərdi yarışlarda Olimpiadaya lisenziya xalları qazanmaq üçün isə Avropa Oyunlarından əvvəl Bolqarıstanın Plovdiv şəhərində 16-18 iyun tarixlərində fərdi Zona çempionatı keçiriləcək. Bu yarışda Azərbaycanın sablya (qadınlar) və şpaqa (kişilər) üzvləri mübarizə aparacaq.