Azərbaycanın voleybol üzrə yeniyetmə və gənc qızlardan ibarət komandalarına türkiyəli mütəxəssis Şahin Çatma rəhbər təyin olunub.

Prosport.Az-a verilən məlumata görə, bununla əlaqədar sabah saat 09:00-da təcrübəli mütəxəssisin iştirakı ilə mətbuat konfransı keçiriləcək.

Şahin Çatma 2012-ci ildə "Milliyyət" qəzeti tərəfindən ilin məşqçisi seçilib. O, Türkiyə Voleybol Federasiyasında qızlardan ibarət aşağı yaş qrupları üzrə milli komandaların koordinatoru vəzifəsində çalışıb.

Qeyd edək ki, daha əvvəl – ötən ay böyüklərdən ibarət qadın milli komandasına da türkiyəli Ataman Güneyligil baş məşqçi təyin olunmuşdu.