23-25 iyun tarixlərində Monqolustanın paytaxtı Ulan-Batorda keçiriləcək növbəti "Böyük Dəbilqə" turnirində iştirak edəcək cüdo millilərimizin ilkin heyəti bəlli olub.

Prosport.Az-ın xəbərinə görə, 39 ölkədən 236 cüdoçunun (123 kişi, 113 qadın) qatılacağı yarışda Azərbaycan 17 idmançı ilə təmsil olunacaq.

Kişilər: Balabəy Ağayev, Turan Bayramov (hər ikisi 60 kq), Kəramət Hüseynov, Yaşar Nəcəfov (hər ikisi 66 kq), İbrahim Əliyev, Nurlan Osmanov (hər ikisi 73 kq), Səid Mollayi, Zelim Tçkayev (hər ikisi 81 kq), Murad Fətiyev, Elcan Hacıyev (hər ikisi 90 kq), Zelim Kotsoyev (100 kq), Uşanqi Kokauri, Camal Həmzətxanov (hər ikisi +100 kq);

Qadınlar: Leyla Əliyeva, Könül Əliyeva (hər ikisi 48 kq), Aydan Vəliyeva, Gültac Məmmədəliyeva (hər ikisi 52 kq).

Qeyd edək ki, bundan öncə Qazaxıstanın paytaxtı Astanada 16-18 iyun tarixlərində keçiriləcək "Böyük Dəbilqə" turnirində Kəramət Hüseynov, Zelim Tçkayev, Uşanqi Kokauri, Camal Həmzətxanov, Leyla Əliyeva, Aydan Vəliyeva və Gültac Məmmədəliyevanın adı ilkin siyahıya salınıb.