Padel tennis üzrə Azərbaycan millisi Norveçin paytaxtı Oslo şəhərində təşkil ediləcək Avropa çempionatının təsnifat mərhələsində çıxış edəcək.

Prosport.Az xəbər verir ki, qitə turnirinin E qrupunda mübarizə aparacaq komandanın rəqibləri San Marino, Macarıstan və Monteneqro yığmaları olacaq.

Ölkəmizi yarışda Vasili Mladenov, Tamerlan Əzizov, Rəsul Qocayev, Samir Qafarov, Dəniz Əliyev, Oleq Zaqorodnyev və Yusif Rzayev təmsil edəcək.

Avropa çempionatının təsnifat mərhələsi iyunun 7-dən 9-dək keçiriləcək. Qrup qalibi İtaliyanın Kalyari şəhərində baş tutacaq final mərhələyə (22-27 iyul) vəsiqə qazanacaq.