Heydər Əliyevin 100 illik yubileyinə həsr olunan U-17 yeniyetmələr arasında cüdo üzrə Təhsil Kuboku keçiriləcək.

Prosport.Az xəbər verir ki, Elm və Təhsil Nazirliyi Gənclər və İdman Nazirliyi və Azərbaycan Cüdo Federasiyasının (ACF) birgə təşkilatçılığı ilə ULU Öndər Əliyevin 100 illik yubileyinə həsr olunan cüdo üzrə 17 yaşa qədər yeniyetmə oğlanlar arasında Təhsil Kuboku keçiriləcək.

9-10 iyunda baş tutacaq yarışlarda Azərbaycan, Çexiya, Gürcüstan, Özbəkistan, Macarıstan, Niderland, Polşa, İsveç, Slovakiya və Latviya olmaqla 11 ölkədən 500-dən çox cüdoçu medallar uğrunda mübarizə aparacaq. 

Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində baş tutacaq turnirdə 8 çəki dərəcəsində qaliblər bəlli olacaq. 

Qeyd edək ki, turnirdən sonra cüdoçular 11-13 iyunda beynəlxalq təlim-məşq toplanışına qatılacaqlar. Yarışın əsas məqsədi yeniyetmələr və gənclər arasında idman vasitəsi ilə sağlam həyat tərzinin formalaşdırılması, həmçinin cüdonun kütləvi təbliğinə və təşviqinə nail olmaqdır.