3x3 basketbol üzrə Dünya Qadın Seriyasının Şuşa mərhələsində qrupların tərkibi bilinib.

Azərbaycan Basketbol Federasiyasından Prosport.Az-a verilən məlumata görə, A qrupunda Almaniya, Rumıniya, Türkiyə yığmaları və "Neftçi" klubu, B qrupunda Niderland, Macarıstan, Azərbaycan milliləri və Yaponiyanın "G FLOU" klubu mübarizə aparacaq.

Reqlamentə əsasən, ilk yeri tutanlar birbaşa yarımfinala yüksələcək. 2-ci və 3-cü sıranın sahibləri isə bir-biriləri ilə çarpaz şəkildə 1/4 final mərhələsində üz-üzə gələcəklər.

"Şuşa" mərhələsinin açılış oyunu iyunun 12-də saat 13:00-da Almaniya və Türkiyə seçmələri arasında baş tutacaq. Azərbaycan kollektivi qrupdakı ilk oyunu saat 14:15-də Macarıstan millisinə, "Neftçi" isə saat 13:50-də Rumıniya yığmasına qarşı keçirəcək.

Qeyd edək ki, ötən ay Astara mərhələsində keçirilən yarışda Çin millisi qalib gəlib.