Slovakiyanın paytaxtı Bratislavada kayak və kanoe üzrə 37-ci beynəlxalq “Bratislava Reqatası” keçirilib.

Prosport.Az xəbər verir ki, yeniyetmə və gənclər arasında təşkil edilən reqatada komandamız 6 nəfərlik heyətlə təmsil olunub.

Yarışda Paşa Əsgərov bürünc medal qazanıb. O, 5000 metr məsafəyə kanoe qayığında finiş xəttinə üçüncü çatıb. 

Amil Ramazanov 200 metr məsafəyə kayak yürüşlərində uğurlu çıxış edərək A finalına yüksəlib. Yekun nəticədə Ramazanov ümumi 8-ci sırada qərarlaşıb.