2-4 iyun tarixlərində Çexiyanın paytaxtı Praqada keçirilən Çexiya Open turnirində milli komandamızın yetirmələri 2 qızıl, 4 gümüş, 4 bürünc medal qazanıblar.

Prosport.Az xəbər verir ki, Olimpiya Oyunlarina lisensizya xarakterli bu yarışda Azərbaycan idmançıları ilə yanaşı Bolqaristan, Ukrayna, Danimarka, Italiya, Polşa, Yunanıstan, Çexiya, Fransa, Almaniya, Filippin, Avstriya, Xorvatiya, Hollandiya, Şimali Makedoniyadan güclü üzgüçülər mübarizə aparıb.

Millimiz bu turnirdə məşqçilər Rəşad Əbdürrəhmanov, Rəşad Əliyev və Daniel Dudaş, idmançılardan isə Vəli İstafilov, Ramil Vəlizadə, Rəşad Alquliyev, Əbdürrəhman Rüstəmov, Oqtay Hüseynov, Fatimə Alkərəmova və Məryəm Şeyxəlizadəxangahla təmsil olunub.

Su idman növlərinin çox inkişaf etmiş ölkələrinin idmançılarının da qatıldığı bu beynəlxalq yarışda Oqtay Hüseynov 2 qızıl, 2 bürünc, Əbdürrəhman Rüstəmov 1 qızıl, 2 gümüş, Ramil Vəlizadə 1 gümüş, Məryəm Şeyxəlizadəxangah 1 gümüş və Rəşad Alquliyev 1 gümüş medal qazanıb.