Azərbaycanın kişi parataekvondoçuları tarixi uğura imza atıb.

Prosport.Az xəbər verir ki, Serbiyanın paytaxtı Belqradda keçirilən parataekvondo üzrə Avropa çempionatına yekun vurulub.

Medalların əyarına görə milli komandamız Avropa çempionu olub. 2-ci pillədə Türkiyə qərarlaşıb, AIN (Rusiya və Belarusdan ibarət olan Fərdi Neytral Atletlər) isə 3-cü olub.

Qeyd edək ki, komandamız turnirdə baş məşqçi Fərdi Tağızadənin rəhbərliyi altında 3 idmançı ilə iştirak edib. Parataekvondoçularımızdan İmaməddin Xəlilov (70 kq) qızıl, Əbülfəz Abuzərli (80 kq) isə gümüş medal qazanıb.