Azərbaycan cüdoçusu Kamran Süleymanov Qazaxıstanın paytaxtı Astanada keçirilən "Böyük Dəbilqə" turnirində bürünc medal qazanıb.

Prosport.Az xəbər verir ki, 66 kq çəki dərəcəsində mübarizə aparan milli üzvü 3-cü yer uğrunda mübarizədə digər komanda yoldaşı Ruslan Paşayevlə qarşılaşıb.

Rəqibini üstələyən K.Süleymanov Azərbaycana yarışda ilk medalı qazandırıb.

Kişilərin yarışında Əhməd Yusifov (60 kq) 3-cülük uğrunda görüşdə Yeldos Smetova (Qazaxıstan) uduzub.

Qadınların mübarizəsində isə Leyla Əliyeva (48 kq) türkiyəli Tuğçe Bederə yenilib.

Qeyd edək ki, turnirin qalibləri 1000, gümüş və bürünc medalçılar isə müvafiq olaraq 700 və 500 reytinq xalı qazanacaq.

14:49

Azərbaycanın 4 cüdoçusu Qazaxıstanın paytaxtı Astanada keçirilən “Böyük Dəbilqə” turnirində bürünc medal görüşünə çıxacaq.

Prosport.Az xəbər verir ki, kişilər arasında 60 kq-da Əhməd Yusifov qazaxıstanlı Yeldos Smetovu, 66 kq-da Kamran Süleymanov isə komanda yoldaşı Ruslan Paşayevi sınağa çəkəcək.

Qadınların mübarizəsində isə 48 kq-da çıxış edən Leyla Əliyeva 3-cü yer uğrunda görüşdə türkiyəli Tuğçe Bederlə yarışacaq.

Bu gün mübarizəyə qoşulan digər Azərbaycan cüdoçuları – Açelya Toprak, Fidan Əlizadə (hər ikisi 57 kq) və Nazir Talıbov (60 kq) isə turniri medalsız başa vurub.

Qeyd edək ki, mayın 12-dək davam edəcək “Böyük Dəbilqə”də Azərbaycan 15 cüdoçu ilə təmsil olunur.